Քաղաքապետին կկանչեն ԱԺ. Նաիրա Զոհրաբյան
Երևանի քաղաքապետ Հայկ Մարությանն առաջիկա օրերին կհրավիրվի Ազգային ժողով Այս մասին այսօր ԱԺ նիստի ժամանակ ասաց ԱԺ մարդու իրավունքների և հանրային հարցերի մշտական հանձնաժողովի նախագահ Նաիրա Զոհրաբյանը։ Քաղաքապետին հրավիրելու առիթը քաղաքացիների համար վտանգավոր դարձած թափառող շների հարցն է։
«Ես Երևանի տարբեր համայնքներից ստացել եմ բնակիչների ահազանգեր, որ շների խումբ է հավաքվում տարբեր վայրերում ու անգամ դպրոցների մոտ անվտանգ չէ։ Այս խնդիրն իմ օրակարգում է, և առաջիկա օրերին մենք պատրաստվում ենք քաղաքապետին հրավիրել հանձնաժողով և փորձելու ենք այս պահին դեռ Երևանում գտնել լուծումը», -հայտարարեց Զոհրաբյանը։
