ՏԵՍԱՆՅՈՒԹ. Դեսպանահավաքին փակ ֆորմատը հնարավորություն տվեց բաց խոսել խնդիրների մասին. ԱԳ փոխնախարար
Օգոստոսի 27-ին տեղի ունեցած դիվանագիտական ներկայացուցչությունների ղեկավարների հավաքը բաց քննարկում էր: Այսօր Հանրային հեռուստաընկերության եթերում ընդգծել է ԱԳ նախարարի տեղակալ Արտակ Ապիտոնյանը՝ հավելելով, որ նմանատիպ հանդիպումը իր ձևաչափով առաջին անգամ է տեղի ունեցել:
«Հավաքի ժամանակ, օրինակ, փակ ֆորմատը հնարավորություն տվեց, իսկապես, բաց խոսել խնդիրների մասին»,- նշել է Ապիտոնյանը:
Անդրադառնալով մարզպետների հետ քննարկումներին՝ ԱԳ փոխնախարարն ասել է. «Այս ֆորմատը նույնպես նոր էր. մարզային այց երբեք չէր եղել: Մարզպետները ներկայացնում էին այն պոտենցիալ ծրագրերը, որոնցով հնարավոր է շահագրգռել պոտենցիալ ներդրողներին: Ներկայացվել են նաև բարեգործական և զարգացման ծրագրեր: Կարևոր էր նաև, որ դեսպաններն առաջին ձեռքից զգան մեր մարզային զարգացման հնարավորությունները, ինչպես նաև՝ առկա խնդիրներն ու մարտահրավերները»:
Առավել մանրամասն՝ տեսանյութում:
