Հայաստանը երբեք համաձայնություն չի տա Ադրբեջանի հետ ՀԱՊԿ գործընկերությանը
Հայաստանը երբեք չի համաձայնի, որպեսզի Ադրբեջանը դառնա Հավաքական անվտանգության պայմանագրի կազմակերպության դիտորդ կամ գործընկեր երկիր։ Այս մասին խորհրդարանի Արտաքին հարաբերությունների մշտական հանձնաժողովի նիստում, 1992 թվականի մայիսի 15-ի Հավաքական անվտանգության պայմանագրում փոփոխություններ մտցնելու վերաբերյալ Երկրորդ արձանագրության վավերացման մասին հարցի քննարկման ընթացքում, սեպտեմբերի 5-ին ասաց հանձնաժողովի նախագահ, կառավարող «Իմ քայլը» դաշինքի պատգամավոր Ռուբեն Ռուբինյանը։
«Ինչո՞ւ եմ ես դրանում վստահ։ Որովհետեւ Հայաստանը երբեք համաձայնություն չի տա դրան»,- ընդգծել է Ռուբինյանը։
