Ձայնս լսվում է, սակայն ինձ համար ցանկալի մակարդակ չէ․ Լեպսը պատմել է վիրահատությունների մասին

ՌԴ էստրադային երգիչ Գրիգորի Լեպսը «Սթարհիթ»-ի հետ զրույցում պատմել է, որ վոկալային խնդիրների պատճառով ձայնալարերի երկու վիրահատություն է տարել:  

Առաջին վիրահատությունը կատարվել է դեռևս մայիսին՝ Փարիզում, իսկ հուլիսին վիրաբույժները ստիպված են եղել նորից վիրահատել երգչին։

«Ձայնս լսվում է, սակայն ինձ համար ցանկալի մակարդակը չէ։ Բոլոր դեպքերում պետք է սպասել»,- ասել է վրացական արմատներով երգիչը՝ հավելելով, որ վիրահատությունից մի քանի օր անց արդեն կարողացել է երգել։

Լիովին ապաքինվելուց հետո Լեպսը պլանավորում է դուետով հանդես գալ Պոլինա Գագարինայի հետ, ինչպես նաև ցանկանում է Ալլա Պուգաչովայի հետ երգ ձայնագրել։