Թրամփի դեմ նոր հետաքննություն են նախապատրաստում
ԱՄՆ Կոնգրեսի Ներկայացուցիչների պալատի դատական գործընթացների հարցերով կոմիտեն պատրաստվում է նոր հետաքննություն սկսել ԱՄՆ նախագահ Դոնալդ Թրամփի դեմ՝ իր հետ հարաբերություններ ունեցած կանանց լռեցնելու համար նրանց գումար տալու հարցով, գրում է The Washington Post -ը:
Հոկտեմբերին կոմիտեն մտադիր է լսել այն անձանց ցուցմունքները, որոնք 2016 թվականին հարաբերությունների դիմաց վճարել են պոռնոֆիլմերի աստղ Սթորմի Դենիելսին և Playboy-ի նախկին մոդել Կարեն Մաքդուգալին:
Հիշեցնենք, որ Սթորմի Դենիելսը հարցազրույցներից մեկում հայտարարել էր, որ 2006-2007թ.թ. ինտիմ կապի մեջ է եղել ապագա նախագահի հետ, որն այդ ժամանակ արդեն ամուսնացած էր Մելանյա Թրամփի հետ: Նույն սկանդալային հայտարարությամբ էր հանդես եկել նաև Playboy-ի նախկին մոդել Կարեն Մաքդուգալը:
