Վրաստանի վարչապետն այսօր կհայտարարի, որ պաշտոնը լքում է
Վրաստանի վարչապետ Մամուկա Բախտաձեն այսօր՝ սեպտեմբերի 2-ին, հանդես կգա կառավարության ղեկավարի պաշտոնը լքելու մասին հայտարարությամբ։ Այս մասին գրում է Gazeta.ru-ն։
Հայտարարությունը սպասվում է Երևանի ժամանակով 16․00-ին։
Չհաստատված տեղեկություններով՝ վարչապետի պաշտոնում Բախտաձեին կփոխարինի ՆԳ նախարար Գեորգի Գախարիան։
ՆԳ նախարարի պաշտոնին կվերադառնա Իրակլի Ղարիբաշվիլին։
Կառավարությունում կադրային փոփոխությունների քննարկումը «Վրացական երազանքը» կշարունակի երեքշաբթի։ Այս մասին լրագրողներին հայտնել է խորհրդարանական մեծամասնության առաջնորդ Գիա Վոլսկին՝ կիրակի խորհրդարանական մեծամասնության նիստի ավարտից հետո։
