Տասնյակ միլիոնավոր դոլարների մասին չենք կարող խոսել. Գագիկ Խաչատրյանի պաշտպան
Առավոտից խուզարկություններ են կատարվում Գագիկ Խաչատրյանի Ծաղկաձորում գտնվող բնակության վայրում: Այս մասին լրագրողների հետ զրույցում հայտարարեց ֆինանսների նախկին նախարար, ՊԵԿ նախկին նախագահ Գագիկ Խաչատրյանի պաշտպան Երեմ Սարգսյանը: Նրա խոսքովՙ տանն ընդամենը օրինական զենքեր են եղել, որոնք առգրավվել են:
Ձերբակալությանն անդրադառնալով՝ Երեմ Սարգսյանը նշեց, որ կասկածանքը վերաբերում է ՊԵԿ նախագահի պաշտոնավարման ժամանակահատվածում ՊԵԿ-ում կատարված գործողությունների: «Կա որոշակի հանգամանք, որ ՊԵԿ ինչ-որ աշխատակիցներ գործի չեն հաճախել, բայց աշխատավարձ են ստացել, հիմա պիտի պարզվի, թե Գագիկ Խաչատրյանն ինչ կապ ունի դրա հետ, քանի որ դա մի ամբողջ մեծ համակարգի է վերաբերում: Եթե խոսում ենք ՊԵԿ աշխատակիցների աշխատավարձի մասին, տասնյակ միլիոնավոր դոլարների մասին չենք կարող խոսել»,-ասաց նա հավելելով, որ քրգործը բազմածավալ է, իրեն, միգուցե, շատ տվյալներ դեռ հայտնի չեն, քանի որ նախաքննությունը գաղտնի է:
