Այրվում են Սյունիքի մարզի անտառները. Հայկ Բարսեղյան (SOS)

S. O. S. նախաձեռնության անդամ Հայկ Բարսեղյանը Սյունիքի մարզի՝ Շիկահողից Մեղրի ճանապարհից ֆեյսբուքյան ուղիղ եթերով հաղորդում է, որ տեղի անտառներում հրդեհ է:

Ըստ Հայկ Բարսեղյանի տեղեկության` հրդեհը լայնամասշտաբ է, և մեծ ուժեր են պետք մոբիլիզացնելու համար:

«Երկար նայելուց հետո հասկացա, որ շատ տխուր է վիճակը: Պետք են շատ, շատ, շատ մարդկային ռեսուրսներ, սարք ու սուրք, ու էս անտառները վռազ մարել է պետք, թե չէ էլ Հայաստանում անտառներ չենք ունենա: Խնդրում ենք, ով կարա, ավտոները լցնի, գա, իսկ մենք ինստրուկտաժ կսարքենք, թե ինչ բերել ու ինչ անել»,- տեսանյութում ասում է Հայկ Բարսեղյանը:

Նա նաև ասում է, որ թեպետ հրեդեհը նոր է սկսել, դեռ շատ չի տարածվել, բայց արդեն իսկ մեծ ծավալներ է ընդգրկում:

Մանրամասները՝ Հայկ Բարսեղյանի տեսանյութում: