Գյումրիում գիշերօթիկի 150 աշխատակիցներ գործազուրկ կդառնան. նրանք նամակ փոխանցեցին վարչապետին
Աշխատանքի եւ սոցիալական ապահովության նախարարը լուծարում է Գյումրիի 2 գիշերօթիկ դպրոցները առանց հիմնավոր պատճառների, որի հետեւանքով 150 աշխատակիցներ անգործ են մնում: Այս մասին NEWS.am-ին հայտնեց գիշերօթիկի աշխատակիցներից մեկը, ով փորձում էր վարչապետին հայտնել խնդրի մասին:
«Աշխատանքի եւ սոցիալական ապահովության նախարարը լուծարում է Գյումրիի 2 գիշերօթիկ դպրոցները առանց հիմնավոր պատճառների, որի հետեւանքով 150 աշխատակիցներ անգործ են մնում, էլ չեմ ասում այդքան էլ երեխաներ սոցիալապես անապահով, միայնակ մոր կամ ծնողազուրկ երեխաներ, ովքեր չունեն կացարաններ, տարրական կենցաղային պայմանների: Խնդրում ենք նախարարին` վերանայի իր որոշումը»,-ասաց աշխատակիցներից
Հարցին, թե ինչն է պատճառը, որ նախարարը նման որոշում է կայացրել, գիշերօթիկի աշխատակիցն ասաց, որ նախարարը կարծում է, որ խնամատար ընտանիքների միջոցով կարելի կլինի լուծել խնդիրը:
Աշխատակիցները նաեւ նշեցին, որ իրենց առաջարկվել է դառնալ խնամատար ընտանիք:
«Խնամատար ընտանիք ոուղարկում են մանկատան երեխաներին, եվրոպական այդ անիմաստ փորձերը թող չիրականացնեն Շիրակի դաշտավայրում: 3 օր առաջ առանց մեզ ծանուցման ասում են, որ երեխաները չպետք է գան գիւշերօթիկ»,-ասաց աշխատակիցներից մեկը:
Նրանք նաեւ ասացին, որ իրենք նամակ են փոխանցել ՀՀ վարչապետ Նիկոլ Փաշինյանին եւ հայտնել են իրենց խնդրի մասին:
Բողոքողներին լսեց նաեւ ԱԺ ԲՀԿ խմբակցության պատգամավոր Արման Աբովյանը եւ խոստացավ ծանոթանալ խնդրին:
