Լենինգրադի մարզի իրավապահները ձերբակալել են 56-ամյա մի քաղաքացու՝ ավտոսերվիսի սեփականատիրոջ, ով կասկածվում է «Հայաստանի ձայն» մրցույթի եզրափակչի մասնակից, հայկական արմատներով ռուսաստանցի երգիչ Մարտ Բաբայանից մեծ չափի գումար շորթելու մեջ: Այս մասին տեղեկացնում է shantnews.am-ը։

2017 թվականի սեպտեմբերից մինչև 2018 թվականի դեկտեմբեր երգիչն ավտոսերվիսի հաշվին 2 694 000 ռուբլի է փոխանցել, որպեսզի դրա դիմաց նրան օգնեն բարձրորակ, թանկարժեք մեքենա ձեռք բերել: Արդյունքում ավտոսերվիսը ոչինչ էլ չի արել, գումարն էլ չի վերադարձրել:    2019-ի ապրիլին Բաբայանը դիմել է ոստիկանություն: Ոստիկանությունը ձերբակալել է ավտոսերվիսի տնօրենին: Նա ընդունել է իր մեղքը: