BBC-ն անդրադարձել է Խաչատուրյան քույրերի աղմկահարույց պատմությանը

BBC-ն անդրադարձել է Խաչատուրյան քույրերի աղմկահարույց պատմությանը: Հոդվածն ամփոփում է քույրերի կողմից հոր սպանության մանրամասները և ներկայացնում է, թե որքան մեծ աղմուկ է բարձրացրել քույրերի պատմությունը Ռուսաստանում: 

Հոդվածի հեղինակն այնուհետընդգծում է, որ Ռուսաստանում ընտանեկան բռնության զոհերին պաշտպանող օրենքներ չկան: Ըստ հոդվածի՝ Ռուսաստանում ոստիկանությունն ընտանեկան բռնությունը համարում է «ներընտանեկան գործ», իսկ բռնություն գործադրողը միայն տուգանվում է կամ ընդամենը 2 շաբաթով ձերբակալվում: 

Հոդվածը մանրամասնորեն անդրադառնում է Ռուսաստանում բռնության տարածվածության թեմային՝ հայտնելով որ ռուսական բանտերում մարդասպանության մեղադրանքով գտնվող կանանց 80%-ն ինքնապաշտպանության համար է սպանություն գործել: 

BBC-ն նաև նշում է, որ բացի բազմաթիվ աջակիցներից, պահպանողական ուղղվածությամբ մի խումբ, որի հիմնական արժեքներն են հայրիշխանությունը և ազգայնականությունը, կոչ է անում «մարդասպաններին պահել ճաղերի հետևում»: