Վարժեցված շները թմրանյութի և հոգեմետ դեղի ապօրինի տեղափոխման 14 դեպք են ի հայտ բերել

Պետական եկամուտների կոմիտեն տեսանյութ է հրապարակել, որում ներկայացրել է մաքսանենգության դեմ պայքարի վարչության շնագիտական բաժնի վարժեցված շների մեկ օրը:

ՊԵԿ մաքսանենգության դեմ պայքարի վարչության շնագիտական բաժնի (կենտրոնի) շների օգնությամբ այս տարվա առաջին կիսամյակում թմրանյութի և հոգեմետ դեղի ապօրինի տեղափոխման 14 դեպք է բացահայտվել:

ՊԵԿ շնագիտական կենտրոնում կան բոլոր պայմանները շների բուծման և շնավարժ-կինոլոգների ուսուցման գործընթացի կազմակերպման համար: Նախատեսվում է շնագիտական բաժինը համալրել նոր մասնագետներով և շներով, որպեսզի բոլոր մաքսակետերում 24-ժամյա հսկողություն իրականացվի: Արդյունքում կբարձրանա հսկողության արդյունավետությունը: