Հանդիպակաց երթևեկելի գոտում վարելու տուգանքը հնարավոր է բարձրացվի. ԲՀԿ նոր առաջարկը. «Ժամանակ»

«Ժամանակ» թերթը գրում է. «ԱԺ ԲՀԿ խմբակցության պատգամավորներ Նաիրա Զոհրաբյանը և Վահե էնֆիաջյանը առաջարկում են փոփոխություն կատարել Վարչական իրավախախտումների վերաբերյալ օրենքում և խստացնել հանդիպակաց երթևեկելի գոտի դուրս գալու համար նախատեսված տուգանքի չափը:

Օրենսդիրներն առաջարկում են գործող 30 հազար դրամի փոխարեն սահմանել 150 հազար դրամ տուգանք: Նախագծի հեղինակներին թվում է, որ տուգանքի չափի ավելացումը կարող է զսպող դեր կատարել, ինչը փոքր-ինչ վիճահարույց է, որովհետև եթե հանդիպակաց երթևեկելի գոտի դուրս եկած վարորդը չի վախենում իր կյանքը կամ առողջությունը կորցնելուց, դժվար թե վախենա տուգանքի չափի մեծացումից»:

Առավել մանրամասն՝ թերթի այսօրվա համարում