Արմավիրի մարզի Փարաքար գյուղում հուլիսի 18-ին տեղի ունեցած վրաերթի հետեւանքով մահացած 13-ամյա Արուսյակ Գեւորգյանի հարազատները դժգոհ են Երեւան քաղաքի ընդհանուր իրավասության դատարանի կայացրած որոշումից. վրաերթի ենթարկելու կասկածանքով ձերբակալված 51–ամյա տղամարդը 800.000 դրամ գրավի դիմաց ազատ է արձակվել։ NEWS.am-ի հետ զրույցում մահացածի տատը՝ Մարիետա Ավետիսյանը, պատմել է, որ դեպքի մասին տեղեկացել է՝ տնից պատահական դուրս գալով։

«Երեխես զանգեց, ասաց՝ տատի, գնում եմ պարի։ Ու անցավ մի որոշ ժամանակ, լսեցի, որ երեխա է վրաերթի ենթարկվել։ Զգում էի, ու դուրս եկա տնից, վազեցի, տեսնեմ՝ թոռս մեքենայի տակ ընկած է։ Ինձ ասացին, որ երեխաս անցել է անթույլատրելի հատվածով, բայց ինքն անցել է հետիոտնի համար նախատեսված հատվածով, ու ոչ մի խախտում թույլ չի տվել»,- պատմել է տատը եւ հավելեց, որ Արուսյակը 5 տարի ամեն օր պարի է գնացել-եկել այդ նույն ճանապարհով։

ՏԵՍԱՆՅՈՒԹԸ՝  NEWS.am-ի