Ինչու արդեն 3 օր հնարավոր չէ ԱՊՊԱ առցանց պայմանագրեր կնքել․ Armdaily.am
Արդեն 3 օր է, ԱՊՊԱ պայմանագրերն առցանց կնքել հնավավոր չէ՝ ճանապարհային ոստիկանության հետ կապի բացակայության պատճառով:
Վճարման այս գործընթացը պարզ է և հարմար, այն հնարավոր է իրականացնել առավելագույնը 3-ից 4 րոպեի ընթացքում՝ վճարելով նախատեսվածից 5%-ով ավելի ցածր ապահովագրավճար: Հենց այս պատճառով էլ բազմաթիվ մարդիկ նախընտրում են ԱՊՊԱ պայմանագիր կքնել հենց այս տարբերակով, սակայն պարբերաբար բախվում են կապի բացակայաթյան խնդրին՝ օրերով չկարողանալով գործարք կատարել:
Armdaily.am-ի հետ զրույցում ՀՀ Ոստիկանության ԶԼՄ-ների հետ կապի, վերլուծության եւ լրատվության բաժնի պետ Էդգար Ջանոյանն ասաց.
«Հայցում ենք քաղաքացիների ներողամտությունը, խնդիրն այսօր կկարգավորվի: Կապուղիների հետ կապված խնդիր ունենք, այդ իսկ պատճառով ժամանակ առ ժամանակ առաջանում է այդ խնդիրը: Աշխատանքային խումբ կա, որն ամեն ինչ անում է այս հարցը վերացնելու ուղղւթյամբ»:
