Ադրբեջանի ՌՕ ուժերի ռազմական ինքնաթիռի հնարավոր կործանման մասին լուրը հաղորդել է ТАСС-ը՝ հղում տալով երկրի պաշտպանության նախարարությանը։

«Հուլիսի 24-ին՝ ժամը 22։00-ի սահմաններում կապը հանկարծակի կորել է Ադրբեջանի ՌՕՈ ուժերի ՄԻԳ-29 ինքնաթիռի հետ, որը գիշերային ժամին պլանային ուսումնական թռիչք էր իրականացնում։ Նախնական վարկածով՝ ռազմական ինքնաթիռն ընկել է ծովը»,- նշվում է լրատվամիջոցի մեջբերած պաշտոնական հաղորդագրությունում։ 

Տեղի ունեցածի պատճառների մասին մանրամասներ չեն հաղորդվում։