Կեղծ մահափորձ Վլադիմիր Պուտինի դեմ
ՌԴ Եկատերինբուրգ քաղաքում երկու տղամարդ փորձել են ականապատել երկրի նախագահ Վլադիմիր Պուտինի ավտոշարասյունը: Այս մասին հաղորդում է РИА Новости-ն:
Նշվում է, որ ռուս ղեկավարի ավտոշարասյան ճանապարհին տեղադրվել է պայթուցիկ սարքի կրկնօրինակ: Իրավապահներն արդեն բերման են ենթարկել տղամարդկանց, ովքեր խոստովանել են, որ նման քայլի են դիմել իրավապահների արձագանքը ստուգելու համար:
ՌԴ ՆԳՆ-ից հայտնել են, որ բերման ենթարկվածները Եկատերինբուրգի բնակիչներ են, նախկինում դատված:
