Այսօր արտակարգ դեպք է տեղի ունեցել Երևանում: Մյասնիկյան պողոտայում տրոլեյբուսի հոսանքաընդունիչը պոկվել և ընկել է կողքից ընթացող Toyota մակնիշի ավտոմեքենայի վրա: Մարդատարի վարորդը ուսի մասում մարմնական վնասվածք է ստացել և տեղափոխվել է նախ՝ Սուրբ Գրիգոր Լուսավորիչ, այնուհետ՝ Իզմիրլյան բժշկական կենտրոն: Նրան վիրահատել են:

SHANTNEWS.am-ի հետ զրույցում տրոլեյբուսի վարորդ Նորայր Սազմանդյանը պատմել է, թե ինչպես է տրոլեյբուսի հետևից ընթացող մեքենան դարձել թիրախ, նա ներկայացրել է, թե վիճակն այնքանով է վտանգավոր, որ Toyota -ի վարորդին վիրահատել են, նա միայնակ է եղել մեքենայում, իսկ տրոլեյբուսը շահագործման ենթակա չէ:

Քիչ անց տարածք է եկել էլեկտրատրանսպորտային բաժնի բրիգադն, ու տրոլեյբուսը տեղափոխել են պարկ: