Էներգահամակարգում հաճախականությունների տատանումներ են տեղի ունեցել, որի պատճառով խոշոր արտադրողների ռելեական պաշտպանությունը կանգնել է՝ «Ռադիոլուրին» ասել է տարածքային կառավարման և ենթակառուցվածքների փոխնախարար Հակոբ Վարդանյանը։ Սկզբում  Հրազդան ՋԷԿ-ի  հինգերորդ բլոկն է  անջատվել, հետո Երևանի ՋԷԿ-ը, ապա Երևանի ԲԷՑ-ը։ Ինչ- որ պահից աշխատում էր միայն «Որոտան» կասկադը, և էլեկտրաէներգիա ներմուծում էինք իրանական կողմից՝ էներգետիկ վթարի արդյունքում ստեղծված իրավիճակն այսպես է ներկայացրել փոխնախարարը։

Այս պահին վերականգնողական աշխատանքները շարունակվում են, հաճախականության տատանումները եւս։ «Չեմ կարող հստակ ժամ ասել, թե երբ կվերանգնվի համակարգը, Սևան- Հրազդան կասկադի էլեկտրամատակարարումը  վերականգված է»,- նշել է Հակոբ Վարդանյանը։

Երևան  ԲԷՑ-ում ջուրը դատարկվել է, հիմա փորձում են արագ վերականգնել, որ կարողանան ցանց մտնել։ Առնվազն չորսից հինգ ժամ կտևի:

Այժմ Վրաստանի հետ են աշխատանքներ տարվում, որպեսզի այնտեղից  եւս լրացուցիչ էներգամատակարարում ապահովվի։