Աշտարակում վիճաբանություն-ծեծկռտուքն ավարտվել է կրակոցով

Այսօր, հուլիսի 8-ին վիճաբանություն-ծեծկռտուք է տեղի ունեցել, այնուհետև կրակոց հնչել Արագածոտնի մարզում։ Ժամը 12։30-ի սահմաններում Ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի ավագ տեսուչներ Արմեն Զաքարյանն ու Նորայր Թադևոսյանը Աշտարակ քաղաքի Երևանյան փողոցում կանխել են վիճաբանություն-ծեծկռտուքը։

Ինչպես հայտնում է shamshyan.com-ը` ճանապարհային ոստիկանները ծառայություն կատարելու ժամանակ նկատել են, որ նշված փողոցում ավտոկայանի մոտ մի քանի քաղաքացիներ իրար հետ վիճում են և միմյանց փոխադարձ հարվածեր հասցում։ 

Այս պահին դեպքի վայրում աշխատում են Ոստիկանության Աշտարակի բաժնի հետաքննիչները, ովքեր պարզում են կռվի մասնակիցների, կրակոց արձակողի, վիրավորների և փախուստի դիմած անձանց ինքնությունը։

Ֆոտոլրագրողի հետ զրույցում՝ բժիշկը հայտնեց, որ, հնարավոր է, նրան հետազոտման նպատակով տեղափոխեն հիվանդանոց։ Փաստի առթիվ Ոստիկանության Աշտարակի բաժնի հետաքննչական բաժանմունքում նյութեր են նախապատրաստվում։