Կալիֆորնիայի հարավում 7.1 մագնիտուդով երկրաշարժ է տեղի ունեցել: Այս մասին հայտնում է Եվրոպական-միջերկրածովյան սեյսմոլոգիական կենտրոնը (EMSC): Ստորգետնյա ցնցումները զգացվել են Երևանի ժամանակով 7.19-ին: Երկրաշարժի էպիկենտրոնը գտնվել է Լոս Անջելեսից 193 կմ հյուսիս, իսկ օջախը՝ 10 կմ խորության վրա:

Մի շարք շինություններ թեթևակի վնասվել են, հիմքերում ճաքեր են առաջացել, որոշ հենասյուներ փլուզվել են: Ճաքեր կան նաև ճանապարհներին: Հաղորդվում է 1 տուժածի մասին:

Սա վերջին օրերին այս տարածքում արդեն երկրորդ երկրաշարժն է: Հուլիսի 4-ին գրանցվել էր 6.6 մագնիտուդով երկրաշարժ