Պարզվում է՝ Հայաստանում չկան շինարարական, նախագծման որակյալ աշխատանքներ կատարող ընկերություններ, իսկ մրցույթներում հաղթում են վատ աշխատանք կատարողները։ Այս մասին կառավարության նիստի ժամանակ ասաց վարչապետ Նիկոլ Փաշինյանը։ ՏԿՏՏ նախարար Հակոբ Արշակյանն ասաց, որ իրենք մեսիջ են ուղարկում ընկերություններին, որ այլևս չեն հանդուրժելու վատ աշխատանքը։ Փաշինյանը պատասխանեց, որ ընկերություններն այդ մեսիջները չեն հասկանա։ Փաշինյանը նորից հիշեցրեց «Լուսամուտը դրիմ» հայտնի հոլովակը։ «Վերջում գալիս է նրան, որ ասում են՝ «շեֆ ջան, դե ոնց որ տենց չոտկի չէիր ասում»։ Ամեն ինչ հանգեցնում է դրան, ու սա իսկապես շատ լուրջ համակարգային պրոբլեմ է»,- ասաց Փաշինյանը՝ լրջացնելով իր խոսքը։