Դերասան և քաղաքական գործիչ Առնոլդ Շվարցենեգերի վրա հարձակվել են հարավաֆրիկյան Սաունդթոն քաղաք ուղևորության ժամանակ։ Միջադեպի տեսանյութը հրապարակվել է YouTube-ում, գրում է Independent-ը։ Կադրերում երևում է, թե ինչպես է դերասանը շփվում երկրպագուների հետ, երբ թիկունքից նրան է մոտենում մի մարդ, որը ոտքով հարվածում է նրան։ Թերթի տվյալներով՝ Շվարցենեգերը Սաունդթոն է մեկնել սպորտային մրցումների՝ որպես դատավոր։ Հարձակման պատճառը չի նշվում։ Հարձակում իրականացնողը ձերբակալվել է։