Քիչ առաջ խոշոր վթար է տեղի ունեցել Երևանի Սեբաստիա-Բագրատունյաց փողոցների հատման վայրում, Երևանյան լճի հարևանությամբ։ Aurora News-ին հայտնում են, որ վթարվածը մեքենան խոշոր բեռնատար է։ Այս պահին վթարի վերաբերյալ այլ մանրամասներ չկան, կտեղեկացնենք ավելի ուշ։ ԹԱՐՄԱՑՎԱԾ Վթարի հետևանքով կա տուժած։ Տեղեկացնում են, որ տուժած քաղաքացին աշխատանքներ էր կատարում գովազդային վահանակի մոտ, երբ խոշոր բեռնատարը հարվածել է մեքենային, որի վրա գտնվում էր տուժածը։ Հարվածի հետևանքով վերջինս վերևից վայր է ընկել։