Նիկոլ Փաշինյանից ուսապարկ՝ Նազենի Ղարիբյանից հրաժարական. Օպերայի աշխատակազմ

«Ես սիրում եմ Հայաստանը». Կոնստանտին Օրբելյանը հուզվեց Օպերայի կոլեկտիվի աջակցությունից: Ալ. Սպենդիարյանի անվան օպերայի և բալետի ազգային ակադեմիական թատրոնի աշխատակիցներն այսօր հավաքվել են՝ քննարկելու թատրոնի տնօրեն և գեղարվեստական ղեկավար Կոնստանտին Օրբելյանի աշխատանքից ազատման հետ կապված իրավիճակը, մշակույթի նախարարի պարտականություններն իրականացնող Նազենի Ղարիբյանի հետ երեկ կայացած հանդիպումը և եզրահանգման գալ: Հանդիպում-քննարկմանը, թատրոնի աշխատակիցներից բացի, ներկա են նաև հրավիրյալ այլ մշակութային գործիչներ: Թատրոնի արտիստների այս հավաքը պետք է լիներ դրսում, սակայն եղանակային պայմանների վատացման պատճառով այն տեղափոխվեց դահլիճ: Հավաքվածները քնարկում են ուզում ունենալ ՀՀ վարչապետ Նիկոլ Փաշինյանի հետ, հակառակ դեպքում սպառնում են գործադուլով: Ի դեպ, ակնկալվում էր, որ այս հավաքին ներկա է լինելու նաև Նազենի Ղարիբյանը, ում հրամանով էլ Օրբելյանն ազատվել է աշխատանքից, սակայն վերջինս, ըստ որոշ տեղեկությունների,«Դիլիջան Ռեզորթ» հյուրանոցում միջազգային փակ կոնֆերանսի է մասնակցում: Նա երեկ հայտնել էր, որ թատրոնի նոր տնօրենի անունը կհնչեցնի երկուշաբթի՝ ապրիլի 1-ին: Նշեմ, որ անձնակազմը դեմ է մշակույթի նախարարի պարտականությունները կատարող Նազենի Ղարիբյանի հրամանին ու Նիկոլ Փաշինյանին ասում են, թե ինչպես է նա թույլ տալիս, որ նման անարդարություն կատարվի: Այն դեպքում, որ ինքն էր ասել պետք է ժողովուրդն որոշի, եւ ինչու± է շարունակում Սերժ Սարգսյանի ճանապարհը, իսկ կադրերի ընտրության հարցում թող լինի ուշադիր: Հավաքվածները քնարկում են ուզում ունենալ վարչապետ Նիկոլ Փաշինյանի հետ, հակառակ դեպքում սպառնում են գործադուլով: Նշեմ, որ բավական կոշտ արտահայտություններ են հնչում Նազենի Ղարիբյանի հասցեին, ու Նիկոլ Փաշինյանից էլ ուսապարկն են խնդրում, որպեսզի մեկ միս անց Ղարիբյանը գա ու ասի. ՙդուք ճիշտ էիք՝ ես սխալ՚: Նրանք պահանջում են Ղարիբյանի հրաժարականը: Երկուշաբթի՝ առավոտյան ժամը 10-ին, մշակութային գործիչները կհավաքվեն կառավարության դիմաց՝ իրենց բողոքի ձայնը բարձրացնելու Օպերային թատրոնի նոր տնօրենի նշանակման դեմ։ Օպերային թատրոնում այսօր հրավիրված ակցիայի մասնակիցներն ասացին, որ վարչապետին կհանձնեն իրենց նամակը՝ ներկայացնելով առկա խնդիրը։