Փաշինյանը Պուտինին չի հայտնել ԵՄ-ին անդամակցության հանրաքվեի ժամկետները. Պեսկով

 Հայաստանի վարչապետ Նիկոլ Փաշինյանը ՌԴ նախագահ Վլադիմիր Պուտինի հետ ունեցած հեռախոսազրույցում չի նշել Հայաստանում Եվրամիությանն անդամակցելու վերաբերյալ հանրաքվեի անցկացման որևէ հստակ ժամկետ։ 

Այս մասին զանգվածային լրատվամիջոցների ներկայացուցիչներին հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։ 

«Ոչ, հստակ ժամկետներ չեն նշվել», - նշել է Կրեմլի ներկայացուցիչը՝ պատասխանելով այն հարցին, թե արդյոք Փաշինյանը տեղեկացրել է, թե ինչ ժամկետներում կարող է կազմակերպվել հանրաքվեն։ 

«Բայց, այնուամենայնիվ, զրույցում ընդգծվել է նման հանրաքվեի շուտափույթ անցկացման անհրաժեշտությունը։ Դա շատ կարևոր է», - շեշտել է Պեսկովը։