Թուրքիան հրդեհաշեջ ինքնաթիռներ է ուղարկել Ֆրանսիա՝ անտառային հրդեհների դեմ պայքարի համար

 Թուրքիայի գյուղատնտեսության և անտառտնտեսության նախարար Իբրահիմ Յումաքլըն տեղեկացրել է, որ Եվրոպայում բռնկված անտառային հրդեհների դեմ պայքարի շրջանակում Թուրքիան երկու հրդեհաշեջ ինքնաթիռ է ուղարկել Ֆրանսիա:

 Գերատեսչության ղեկավարի խոսքով՝ օգնությունը հատկացվել է ֆրանսիական կողմի դիմումի հիման վրա և Թուրքիայի նախագահ Ռեջեփ Թայիփ Էրդողանի հանձնարարականով: Յումաքլըն նշել է, որ իրենց երկիրը պատրաստակամ է սեփական փորձով և միջոցներով օգնություն ցուցաբերել նաև այլ պետությունների: 

Սրանից առաջ Թուրքիան երկու հրդեհաշեջ ինքնաթիռ էր տրամադրել նաև Իսպանիային, որտեղ նույնպես մասշտաբային անտառային հրդեհներ էին բռնկվել: Եվրոպայի հարավում օրեր շարունակ չդադարող խոշոր անտառային հրդեհները լուրջ մարդասիրական ճգնաժամի են հանգեցրել Ֆրանսիայում և Իսպանիայում: Կրակի՝ բնակավայրերին ու տրանսպորտային հանգույցներին սպառնալու պատճառով երկու երկրներում տարհանված անձանց քանակը հասել է 310,000-ի: