Ռուսաստանը հայտարարել է Սև ծովում բեռնանավերի խոցման մասին

Ռուսաստանի պաշտպանության նախարարությունը հայտարարել է, որ ռուսական զինված ուժերը հարվածներ են հասցրել Նիկոլաևի նավահանգստում և Սև ծովի ջրային տարածքում գտնվող այն նավերին, որոնք, ըստ Մոսկվայի, բեռներ էին տեղափոխում Ուկրաինայի զինված ուժերի համար։

Գերատեսչության հաղորդմամբ՝ անօդաչու թռչող սարքերով Սև ծովի հյուսիս-արևմտյան հատվածում խոցվել է «բալքեր» տիպի բեռնանավ։

Նշվում է նաև, որ Նիկոլաևի նավահանգստում հարվածի տակ է հայտնվել կիլեկտոր տիպի օժանդակ նավը։

Ռուսաստանի պաշտպանության նախարարությունը պնդում է, որ ռուսական բանակը հարվածներ է հասցնում բացառապես ռազմական նշանակության օբյեկտներին՝ կիրառելով բարձր ճշգրտության սպառազինություն և անօդաչու թռչող սարքեր։

Ուկրաինական կողմն այս հայտարարությունների վերաբերյալ մեկնաբանություն չի հրապարակել։