Աբու Դաբին պատրաստվում է գործարկել աշխարհում առաջին AI դատական հարթակը

Աբու Դաբիի դատական վարչությունում (ADJD) քննարկվում է «Արհեստական ​​բանականության դատական ​​հարթակ» նախագծի գործարկումը, որն աշխարհում իր տեսակի մեջ առաջին ինտեգրված համակարգն է։ Նախագծի նպատակն է արհեստական ​​բանականության միջոցով աջակցել դատական ​​ու իրավական որոշումների կայացմանը՝ մարդու ամբողջական հսկողության և վավերացման պայմաններում, ինչը կմեծացնի ընթացակարգային արդյունավետությունը՝ միաժամանակ ապահովելով դատական ​​աշխատանքի հետևողականությունն ու ճշգրտությունը։

Մեկնարկային փուլը նախատեսված է սկսել սեպտեմբերին, ինչով հիմք կդրվի 18 ամիս տևողությամբ փուլային գործընթացին։

Աբու Դաբիի դատական վարչության փոխնախարար Յուսեֆ Սայիդ ալ-Աբրիի խոսքով՝ այս նորարարական դատական ​​համակարգի կիրառմանն ուղղված քայլն արտահայտում է ԱՄԷ նախագահ շեյխ Մուհամմադ բին Զայեդ ալ-Նահյանի տեսլականը, որը միտված է ապագայի տեխնոլոգիաների ներդրմանը՝ նորարարությունը խթանելու և պետական ծառայությունները բարելավելու համար։

Դատավարության տարբեր փուլերում արհեստական ​​բանականության տեխնոլոգիաների կիրառումը կօգնի գործերի ավելի արագ ավարտին, կբարձրացնի դատական ​​գործընթացների որակն ու ճշգրտությունը, ինչպես նաև կշարունակի առաջ մղել թվային փոխակերպումը՝ արդյունավետության և հուսալիության բարձրագույն չափանիշներին համապատասխան։