Դոնալդ Թրամփը վաղը Գոլանի բարձունքներն Իսրայելի մաս կճանաչի. Իսրայելի ԱԳՆ
ԱՄՆ նախագահ Դոնալդ Թրամփը Գոլանի բարձունքներն Իսրայելական տարածք ճանաչող փաստաթուղթը կստորագրի վաղը: ТАСС գործակալությոան հաղորդմամբՙ այդ մասին հայտնել է Իսրայելի ԱԳ նախարար Իսրայել Կացը:
«Վաղը նախագահ Թրամփը վարչապետ Բենյամին Նեթանյահուի ներկայությամբ հրամանագիր կստորագրի Գոլանի բարձունքներում Իսրայելի ինքնիշխանության ճանաչման վերաբերյալ»,- ասել է նա:
Հիշեցնենք, որ Թրամփն օրեր առաջ հայտարարել էր, որ ԱՄՆ-ի համար եկել է ժամանակը Գոլանի բարձունքներն իսրայելական տարածք ճանաչելու համար, ինչը, նրա կարծիքով, ռազմավարական նշանակություն ունի երկրի անվտանգության համար:
