ՏԵՍԱՆՅՈՒԹ․ Տղամարդիկ նույնպես ունեն այլ պարտականություններ. Փաշինյանը՝ Բաթոյանին

Կառավարությունում այսօր, մինչ նիստի մեկնարկը, ՀՀ աշխատանքի և սոցիալական հարցերի նախարար Զարուհի Բաթոյանը ասաց, թե ուզում է իր համերաշխությունը հայտնել կառավարությունում ու տարբեր նախարարություններում աշխատող կանանց: «Բոլորս էլ գիտենք, որ կանայք նաև այլ պարտականությունններ ունեն ու մեզ հետ աշխատելու ընթացքում նրանցից հավելյալ ջանքեր են պահանջվում, ուզում եմ շնորհակալություն հայտնել նրանց», - ասաց նա: Զարուհի Բաթոյանը նշեց, թե տղամարդկանցից ակնկալում է աջակցություն՝ կանանց համար ազատ, ապահով միջավայր ստեղծելու գործում: Վարչապետ Նիկոլ Փաշինյանն էլ ասաց, թե լիարժեք միանում է Բաթոյանի ասածին: «Նաև ուզում եմ հիշեցնել, որ տղամարդիկ նույնպես ունեն այլ պարտականություններ՝ բացի պետական ծառայությունից», - ասաց վարչապետը: Նա կոչ արեց գործադիրի անդամներին ծափահարել բոլոր կանանց: