Հասարակություն

Հայաստանում չվարձատրվող տնային աշխատանքի հիմնական բեռը կանանց ուսերին է. UNFPA

Հայաստանում չվարձատրվող տնային աշխատանքի հիմնական բեռը կանանց ուսերին է. UNFPA
ՄԱԿ-ի Բնակչության հիմնադրամի (UNFPA) Հայաստանի գրասենյակի ղեկավար Լուսինե Սարգսյանը ներկայացրել է Հայաստանում իրականացված նոր հետազոտության արդյունքները, որն առաջին անգամ համապարփակ կերպով գնահատում…

ՄԱԿ-ի Բնակչության հիմնադրամի (UNFPA) Հայաստանի գրասենյակի ղեկավար Լուսինե Սարգսյանը ներկայացրել է Հայաստանում իրականացված նոր հետազոտության արդյունքները, որն առաջին անգամ համապարփակ կերպով գնահատում է չվարձատրվող տնային աշխատանքի ծավալը։


Նրա խոսքով՝ հետազոտության նպատակն էր բացահայտել, թե որքան ժամանակ են Հայաստանի բնակիչները ծախսում տնային և խնամքի աշխատանքների վրա, որոնք ներկայումս չունեն ո՛չ ֆինանսական, ո՛չ էլ բավարար սոցիալական գնահատում։


Հետազոտության կարևոր եզրակացություններից մեկն այն է, որ չվարձատրվող աշխատանքի հիմնական բեռը կրում են կանայք։ Սարգսյանի խոսքով՝ այս իրավիճակը կարող է առաջացնել նաև տնտեսական խնդիրներ, եթե չձեռնարկվեն համապատասխան քայլեր։


Նա ընդգծել է, որ խնդրի լուծման համար արդեն գոյություն ունի միջազգային փորձ, որը հնարավոր է կիրառել նաև Հայաստանում։ Միևնույն ժամանակ, Լուսինե Սարգսյանը նշել է, որ չկա մեկ ընդհանուր լուծում, որը կհամապատասխանի բոլոր ընտանիքներին։


«Պետք է ստեղծվեն այնպիսի հնարավորություններ, որպեսզի յուրաքանչյուր ընտանիք կարողանա ինքն ընտրել իր համար լավագույն տարբերակը, և ընտանիքի յուրաքանչյուր անդամ լիարժեք իրացնի իր ներուժը»,– ասել է նա։

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8051) Միջազգային (3536) ԱՄՆ (2371) Ռուսաստան (2263) Իրան (1787) Ընտրություններ (1285) Ուկրաինա (921) Երևան (821) Իսրայել (767) Ադրբեջան (680) Փաշինյան (596) Եվրոպա (530) Ազգային ժողով (499) Ընդդիմություն (483) Թրամփ (453)

Radio Aurora

Լսել Radio Aurora

Գովազդային տարածք

300x250