Ձեր երկիրը դարձել է մեծ տերությունների պայքարի գործիք. Իրանը կոշտ ուղերձ է հղել Կիևին

 Իրանի ԱԳՆ ներկայացուցիչ Էսմայիլ Բաղայիի խոսքով՝ Ուկրաինայի նախագահի գործելաոճը հիշեցնում է Առաջին աշխարհամարտից առաջ անարխիստների իրականացրած բեմականացված ու ծայրաստիճան վտանգավոր քայլերը, որոնց հետևանքները զգացվեցին ողջ Եվրոպայում։ 

Դիվանագետը նշել է, որ ուկրաինական իշխանություններն իրենց պետությունը հասցրել են խոշոր տերությունների աշխարհաքաղաքական հակամարտությունների գործիքի կարգավիճակի։ Բաղայիի փոխանցմամբ՝ այդ ընթացքում Կիևը մեղադրանքներ է ներկայացրել զանազան պետությունների․ փոխանակ ուղիներ փնտրի խնդիրը կարգավորելու և սեփական երկիրն ու տարածաշրջանը Արևելյան Եվրոպային ու, որոշ առումով, ամբողջ աշխարհին պարտադրված ռազմական գործողություններից փրկելու համար, այն պարբերաբար մեղադրում է այլոց։