Ծեծի է ենթարկվել ՔՊ պատգամավոր Հայկ Կոնջորյանի եղբայրը․ 1 անձ ձերբակալվել է

«Քաղաքացիական պայմանագիր» խմբակցության պատգամավոր Հայկ Կոնջորյանի եղբոր՝ Ավետ Կոնջորյանին ծեծի ենթարկելու դեպքի առթիվ ՀՀ քննչական կոմիտեի Կոտայքի մարզային քննչական վարչությունում նախաձեռնվել է քրեական վարույթ՝ մի խումբ անձանց կողմից ֆիզիկական ներգործության և խուլիգանության հատկանիշներով: 

Հուլիսի 25-ին ժամը 14։00-ի սահմաններում  դեպքի վերաբերյալ հաղորդում է ստացվել ՆԳՆ ոստիկանություն։  Ձերբակալվել է մեկ անձ և կազմված փաստաթղթերով ներկայացվել Քննչական կոմիտեի Աբովյանի բաժին։ Այս մասին AuroraNews-ին հայտնեցին ՆԳՆ ոստիկանությունից։

ՀՀ քննչական կոմիտեն  AuroraNews-ին հայընում է, որ Կոտայքի մարզային քննչական վարչությունում դեպքի առթիվ նախաձեռնվել է քրեական վարույթ՝ մի խումբ անձանց կողմից ֆիզիկական ներգործության և խուլիգանության հատկանիշներով: 1 անձ ձերբակալվել է: Քրեական վարույթի նախաքննությունը շարունակվում է՝ միջադեպի մյուս մասնակիցներին հայտանբերելու ուղղությամբ: