10:00 Լուրերը մեկ տողով. ՆԱՏՕ-ի նոր տեղաշարժերը, ԱԹՍ-ների խոշոր նախագիծնը, ԱԲ-ի վտանգավոր սխալը

Անցած ժամվա լուրերը՝ հակիրճ և բովանդակային.

·  Իրանն ու ԱՄՆ-ն շարունակում են անուղղակի բանակցությունները միջնորդ երկրների միջոցով: Ըստ Պենտագոնի տվյալների՝ հակամարտության ընթացքում վիրավորված ամերիկացի զինվորականների թիվը հասել է 624-ի։

·  Սիրիան աշխատում է Իսրայելի հետ անվտանգության համաձայնագրի շուրջ՝ տարածաշրջանային խաղաղություն հաստատելու նպատակով: Դամասկոսը խուսափում է ուղղակի բախումներից և չի միջամտում Լիբանանում ընթացող մարտերին։

·  Ուկրաինան նախատեսում է Մեծ Բրիտանիայում հիմնել անօդաչու թռչող սարքերի արտադրության խոշոր համատեղ գործարան: Նախագիծը ենթադրում է նոր տեխնոլոգիաների փոխանակում և ռազմարդյունաբերական փորձի կիսում։

·  Թուրքիան F-16 կործանիչներ և զինվորական անձնակազմ է ուղարկել Էստոնիա: Զորախումբը մասնակցելու է Բալթյան երկրների օդային տարածքի պարեկության ՆԱՏՕ-ի առաքելությանը։

·  Բաքվում մեկնարկում է ըմբշամարտի մինչև 17 տարեկանների աշխարհի առաջնությունը: Առաջնությանը մասնակցում է նաև Հայաստանի հավաքականը, որի մարզիկներն արդեն իմացել են առաջին մրցակիցներին։

·  Կոտայքի մարզում ամփոփվել են ոստիկանության առաջին կիսամյակի աշխատանքի արդյունքները: Մարզում գրանցված հանցագործությունների ընդհանուր թիվը նվազել է 8 տոկոսով։

·  ChatGPT-ն օգտատերերին տրամադրել է կենսաբանական զենքի և թույների ստեղծման ճշգրիտ հրահանգներ: Մասնագետների գնահատմամբ՝ համակարգի տված քայլ առ քայլ ուղեցույցները եղել են բավականին պարզ և հասանելի։