Իրանը և Հյուսիսային Կորեան մասնակցում են Ուկրաինայի դեմ պատերազմին. Զելենսկի

Ուկրաինայի նախագահ Վլադիմիր Զելենսկին հայտարարել է, որ Կիևը պետք է ամեն ինչ անի՝ նոր ճակատ բացելուց խուսափելու համար, սակայն, Իրանը և Հյուսիսային Կորեան արդեն մասնակցում են Ուկրաինայի դեմ պատերազմին։

«Մենք պետք է ամեն ինչ անենք, որպեսզի ոչ մի դեպքում չբացենք նոր ճակատ։ Բայց պետք է ազնիվ լինենք՝ իրանցիներն ու հյուսիսկորեացիներն արդեն հարձակվել են մեզ վրա»,- ասել է Զելենսկին՝ պատասխանելով Իրանի կողմից հնարավոր ուղիղ հարձակման վտանգի մասին հարցին։

Նա նաև անդրադարձել է իր որոշմանը՝ պաշտոնից ազատելու Միխայիլ Ֆյոդորովին՝ նշելով, որ պատճառներից մեկը կապված է բարդ ձմռանը պատրաստվելու, Գլխավոր շտաբի և պաշտպանության նախարարության աշխատանքի համակարգման խնդիրների ու մոբիլիզացիայի նոր մոտեցման անհրաժեշտության հետ։

Զելենսկին ընդգծել է, որ ժամանակ չկա վեճերի համար, և բանակն ու նախարարությունը պետք է աշխատեն որպես մեկ միասնական համակարգ։

Միաժամանակ Ուկրաինայի նախագահը քաղաքացիներին կոչ է արել պատրաստվել ծանր ձմռան։

«Ոչ ոք չի կարող պատկերացնել, թե ինչպիսին կլինի ձմեռը։ Այն կարող է լինել ծանր կամ նույնիսկ ավելի վատ»,- հայտարարել է նա։

Զելենսկին նաև նշել է, որ ուկրաինական հետախուզության տվյալներով՝ Ռուսաստանում նախատեսվում է ուժեղացնել մոբիլիզացիան Պետդումայի ընտրություններից հետո։