Երևանում մինչև +37°C․ Սուրենյանը ներկայացրել է առաջիկա օրերի եղանակը

Հուլիսի 27-ի ցերեկը Հայաստանի ողջ տարածքում օդի ջերմաստիճանը նախորդ օրվա համեմատությամբ կնվազի 2-4 աստիճանով, իսկ առաջիկա շաբաթվա ընթացքում զգալի փոփոխություններ չեն կանխատեսվում։

Այս տեղեկությունը փոխանցել է «Հիդրոօդերևութաբանության և մոնիթորինգի կենտրոնի» տնօրենի տեղակալ Գագիկ Սուրենյանը։ 

Ըստ նրա՝ տարածաշրջանի ամենաբարձր ջերմաստիճանը կգրանցվի Երևանում և Արարատյան դաշտում, որտեղ ցերեկը սպասվում է 35-37 աստիճան տաքություն։ Կարճատև անձրևներ ու ամպրոպներ հանրապետության որոշ շրջաններում հնարավոր են միայն հուլիսի 29-ին, ինչպես նաև օգոստոսի 1-ին և 2-ին՝ երեկոյան ուշ ժամերին։ 

Գագիկ Սուրենյանը նաև նշել է, որ առաջիկա հինգ օրերի ընթացքում Երևանում, Արարատյան դաշտում, Վայոց ձորի, Կոտայքի, Արագածոտնի նախալեռնային գոտիներում և Սյունիքի հովիտներում պահպանվելու է բարձր կարգի հրդեհավտանգ իրավիճակ։