Բողոքի ակցիա՝ ընդդեմ Հայկ Մարությանի և Արթուր Մեսչյանի
Մայրաքաղաքում բողոքի ակցիա է ընթանում ընդդեմ Երևանի քաղաքապետ Հայկ Մարությանի և գլխավոր ճարտարապետ Արթուր Մեսչյանի: Ակցիայի մասնակիցների ձեռքին կան պաստառներ «Վանդալիզմ» գրառմամբ. Նրանք բողոքում են Խորենացու փողոցի 13 հասցեում, «Շիրակ» հյուրանոցի հարևանությամբ գտնվող կրթության և գիտության նախարարության նախկին շենքը քանդելու դեմ:
Ավելի վաղ Երևանի քաղաքապետարանից հայտնել էին, որ Խորենացու փողոցի 13 հասցեում, «Շիրակ» հյուրանոցի հարևանությամբ գտնվող կրթության և գիտության նախարարության նախկին շենքը վերականգնվելու է նոր մոտեցմամբ:
Շենքն ապամոնտաժվել է դեռևս 2004թ.-ին, որի ժամանակ պահպանվել է միայն դիմային հատվածը:
