Չենք պատրաստվում պատրաստվում ո՛չ ծածկել, ո՛չ կոծկել զինծառայողի մահվան լուրը. նախարար

ՀՀ պաշտպանության նախարարությունը չի պատրաստվում ո՛չ ծածկել, ո՛չ կոծկել զինծառայողի մահվան լուրը, նման բան արդեն տարիներ շարունակ չի արվում: Այս մասին այսօր Կիպրոսի պաշտպանության նախարար Սավաս Անգելիդիսի հետ համատեղ ասուլիսի ժամանակ նշել է ՀՀ պաշտպանության նախարար Դավիթ Տոնոյանը՝ պատասխանելով զինծառայող Էդուարդ Հովհաննիսյանի մահվան մասին լուրի չհրապարակելուն: «Հիմա իրականացվում է փոքրիկ ծառայողական քննություն՝ պարզելու համար, թե դեպքն ինչի հետ է կապված եղել, քանի որ հաշվի առնելով այն հանգամանքը, որ դեպքը կապված չի եղել ծառայության հետ, մենք, այսպես ասած, մեծ ուշադրություն չենք դարձրել այդ խնդրին: Այսօրվա իրողություններում հնարավոր չէ ծածկել տեղեկությունը: Դուք այն ստանում եք ՀՀ դատախազությունից, ՔԿ-ից, ՀՔԾ-ից, նաև ՊՆ-ից: Հնարավոր չէ որևէ բան կոծկել: Միևնույն ժամանակ, չեմ կարծում, որ անհրաժեշտ է ծառայության հետ չկապված, նախաքննության փուլում գտնվող դեպքերն անընդհատ բարձրաձայնել»,- նկատեց նախարարը: