Հանրապետությունում H1N1-ով պայմանավորված մահվան դեպք է գրանցվել: ՀՀ ԱՆ հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանը, լրագրողների հետ ճեպազրույցում ասաց, որ մահացածը կին է, ով զուգահեռ այլ հիվանդություններ ևս ուներ: Aurora News-ն ավելի վաղ տեղեկություն էր ստացել, որ H1N1-ով պայմանավորված երեխա է մահացել։ Վերջինս Աբովյանի բնակիչ էր, և հետագա բուժման համար տեղի բուժկենտրոնից տեղափոխվել էր Երևանի «Արաբկիր» բժշկական կենտրոն։ Ինչ վերաբերում է երեխայի մահվան դեպքին՝ Վանյանը նշեց, որ երեխան վիրուսային վարակ ընդհանրապես չի ունեցել: «Բարդ անատոմիական հետազոտություններ կարվեն, և կպարզենք ինչն է եղել մահվան պատճառը»,-ասաց նա: