18:00 Լուրերը մեկ տողով. Խորհրդարանական թեժ քվեարկություն.բարձրաստիճան հանդիպումներ Վաշինգտոնի հետ

Անցած ժամվա լուրերը՝ հակիրճ և բովանդակային.

•Ազգային ժողովում մեկնարկել է փոխխոսնակի ընտրության քվեարկությունը, որին ընդդիմությունը հրաժարվել է մասնակցել, իսկ նիստերի դահլիճում ու միջանցքներում իրավիճակը պարբերաբար լարվել է պատգամավորների վեճերի պատճառով։

•Հայաստանի վարչապետն ու արտգործնախարարը հանդիպել են ԱՄՆ հատուկ բանագնացի ավագ խորհրդականին՝ քննարկելով տարածաշրջանային խաղաղության գործընթացն ու տարանցիկ նախագծերի իրականացման հեռանկարները: 

•2026 թվականի սեպտեմբերի 15-ին, ժամը՝ 11-ին, Սահմանադրական դատարանը քննելու է ԹՐԻՓՓ-ի Սահմանադրությանը համապատասխանության հարցը։ Այս մասին հայտնում է Գոհար Մելոյանը։
 

•Գեղարքունիքի մարզի բնակչի տանն ապօրինի պահվող երկու գայլերը տեղափոխվել են Երևանի կենդանաբանական այգի, իսկ քաղաքացին ենթարկվել է վարչական տուգանքի։

•Խորհրդարանական իշխող և ընդդիմադիր ուժերը հանդես են եկել փոխադարձ մեղադրանքներով՝ անդրադառնալով քաղաքական առաջնորդների արտաքին կապերին և հանրահավաքների ուղղորդման մասին հայտարարություններին։

•Իրանի արտգործնախարարն աշխատանքային այցով կմեկնի Պակիստան՝ քննարկելու տարածաշրջանային անվտանգությունն ու Մերձավոր Արևելքում ստեղծված իրավիճակը։

•Ուկրաինայի նախկին դեսպանին նոր մեղադրանքներ են առաջադրվել հակակոռուպցիոն վարույթի շրջանակում, իսկ Ռուսաստանից դեպի Հայաստան Ադրբեջանի տարածքով կուղարկվի ցորենով բեռնված հերթական գնացքը։

•Ռուսաստանից Հայաստան Ադրբեջանով տարանցիկ ճանապարհով կուղարկվի 14 վագոն ցորեն։