Միգրացիոն ճգնաժամից հետո Ֆինլանդիան պահանջում է Իսպանիային զրկել Շենգենից

Ֆիննական ՆԳՆ ղեկավարի համոզմամբ՝ իսպանական իշխանությունները ձախողել են Շենգենյան գոտու արտաքին սահմանի հուսալի պաշտպանությունը և հանգեցրել միգրացիոն ճգնաժամի։ Ռանտանենի այս հայտարարությանը նախորդել էր Իտալիայի վարչապետ Ջորջա Մելոնիի նմանատիպ կոչը։

«Այն պետությունները, որոնք չեն կատարում արտաքին սահմանի պաշտպանության իրենց պարտավորությունները, չեն կարող լինել Շենգենյան գոտու անդամ»,- X սոցիալական ցանցում գրել է Ֆինլանդիայի ներքին գործերի նախարարը։

Դրանից առաջ Մարոկկոյից անօրինական միգրանտները լողալով հասել էին Աֆրիկայի հյուսիսում գտնվող իսպանական անկլավ Սեուտա։ Իսպանիայի ՆԳՆ տվյալներով՝ խոսքը 50 հազար մարդու մասին է։ Երկրի իշխանությունները տեղի ոստիկանությանն աջակցելու համար ներգրավել են ցամաքային զորքերի ստորաբաժանումները։ Մարդկանց այս զանգվածային ներհոսքը տարածաշրջանում ամենախոշորն է դարձել 2021 թվականից ի վեր։