18:00 Լուրերը մեկ տողով. Հայկական միրգը, պտուղն ու բանջարեղենի արտահանումը. ՆԱՏՕ-ի միջուկային ծրագրերը

Անցած ժամվա լուրերը՝ հակիրճ և բովանդակային.

•ՔՊ նիստ. Վարչապետ Նիկոլ Փաշինյանը ՔՊ գրասենյակում նիստ է անցկացնում:


•Գյուղմթերքի իրացում. Հայկական միրգը, պտուղն ու բանջարեղենը տարբեր ծրագրերի շրջանակում արտահանվել են ավելի քան 25 երկիր. հայտարարել է էկոնոմիկայի նախարար Գևորգ Պապոյանը։

•«Արարատցեմենտ»-ի կառավարում. Գևորգ Պապոյանը հայտարարել է, որ ցեմենտի գործարանում նախատեսվում են արմատական փոփոխություններ՝ կառավարման որակը բարձրացնելու նպատակով:

•«Արարատ» կոնյակի-գինու-օղու կոմբինատի բաժնետոմսերի փոխանցում. Ապօրինի ծագում ունեցող գույքի բռնագանձման վարույթի շրջանակում ընկերության բաժնետոմսերը հանձնվել են պետական կառավարմանը: Դատարանի որոշմամբ դրանց պահպանությունն ու կառավարումն իրականացնելու է Էկոնոմիկայի նախարարությունը:

•Հայկական գինու արտահանման ծավալներ. Հայկական գինու արտահանման շուրջ 70%-ը շարունակում է ուղղվել ԵԱՏՄ երկրներ, մասնավորապես՝ Ռուսաստան: Արձանագրվել է արտահանման զգալի ծավալների աճ դեպի հիմնական գործընկեր երկրներ:

•ՌԴ-ի հայտարարությունը ՀԱՊԿ-ի վերաբերյալ. Ռուսական կողմը հայտարարում է, որ Արևմուտքը փորձում է Հայաստանին հեռացնել ՀԱՊԿ-ի իր դաշնակիցներից: Ըստ դիվանագիտական աղբյուրների՝ նման քաղաքականությունը չի բխում տարածաշրջանային անվտանգության շահերից:

•ՆԱՏՕ-ի միջուկային ծրագրեր. Դաշինքը քննարկում է Եվրոպայում միջուկային զսպման հնարավորությունների ընդլայնումը: Իրավիճակի սրման դեպքում դիտարկվում է լրացուցիչ սպառազինություն տեղակայել եվրոպական մի շարք երկրներում: