15:00 Լուրերը մեկ տողով. Վարչապետի հետ վիճած կնոջ աշխատանքից ազատումը, ողբերգություն հիվանդանոցում

Անցած ժամվա լուրերը՝ հակիրճ և բովանդակային.

•ԱՄՆ պետդեպարտամենտը հայտարարել է, որ TRIPP երթուղում սահմանային և մաքսային գործառույթները մնում են Հայաստանի վերահսկողության ներքո:

•«Սուրբ Գրիգոր Լուսավորիչ» բժշկական կենտրոնում ծանր վնասվածքների պատճառով մեկ տարեկան երեխա է մահացել:

•Մամուլի տեղեկություններով՝ Արաբկիրում վարչապետի հետ վիճած կնոջը հաստիքի կրճատման հիմքով ազատել են պոլիկլինիկայի աշխատանքից:

•Մարդու իրավունքների պաշտպանի ներկայացուցիչներն այցելել են «Աբովյան» քրեակատարողական հիմնարկ և առանձնազրույց ունեցել կալանավորված անձանց հետ:

•Եվրոպական միությունը և Գերմանիան նոր պատժամիջոցներ ու դիվանագիտական քայլեր են ձեռնարկել Ռուսաստանի դեմ՝ ենթադրյալ վնասաբեր կիբերգործունեության պատճառով:

•Իրանի արտաքին գործերի նախարարությունը հայտարարել է, որ ԱՄՆ-ի հետ ստորագրված հուշագրի չկատարման ողջ պատասխանատվությունը կրում է Վաշինգտոնը:

•ՆԱՍԱ-ի ղեկավարը ժամանել է Բայկոնուր տիեզերակայան՝ մասնակցելու դեպի Միջազգային տիեզերական կայան «Սոյուզ ՄՍ-29» տիեզերանավի արձակման միջոցառումներին: