12 տարին չլրացած անձի նկատմամբ սեքսուալ բռնության մեղադրանքով տղամարդ է կալանավորվել. ՔԿ

12 տարին չլրացած երեխայի նկատմամբ սեքսուալ բնույթի բռնի գործողություններ կատարելու համար քրեական հետապնդում է հարուցվել մեկ անձի նկատմամբ, որը կալանավորվել է։

Քննչական կոմիտեից aurora.news-ին տեղեկացրել են, որ 12 տարին չլրացած անձի նկատմամբ սեքսուալ բնույթի բռնի գործողություններ իրականացնելու մեղադրանքով մեկ անձի նկատմամբ հարուցվել է հանրային քրեական հետապնդում, և նա կալանավորվել է։

Ավելի վաղ Shamshyan.com-ը հայտնել էր, որ 42-ամյա տղամարդը հուլիսի 10-ից 19-ն ընկած ժամանակահատվածում իր բնակարանում 9-ամյա տղայի հետ անհատական պարապմունքներ անցկացնելիս դրսևորել է սեքսուալ բնույթի գործողություններ։

Տղամարդը ձեռքով հպվել է անչափահասի սեռական օրգանին, իսկ երբ երեխան դիմադրել է, սեղմել է նրա մարմինը՝ պատճառելով ֆիզիկական ցավ։