ԱՄՆ-ում ստեղծել են վտանգավոր առաքելությունների համար նախատեսված ռոբոտներ

ԱՄՆ-ում ստեղծել են վտանգավոր պայմաններում աշխատելու համար նախատեսված երկմետրանոց կենտավր-ռոբոտ։

«Կալիֆոռնիական Satyress Robotics ստարտափը ներկայացրել է անսովոր Threehalves ռոբոտը՝ երկմետրանոց հեռակառավարվող մեքենա՝ կենտավրի տեսքով, չորս ոտքով, մարդանման իրանով և «այծանման» գլխով։ Մշակողները այն ներկայացնում են որպես վտանգավոր պայմաններում աշխատելու համար նախատեսված ռոբոտ՝ հրդեհների մարման, հանքերի հետազոտման, արդյունաբերական վթարների գոտիներում աշխատանքի, մարդկանց որոնման և աղետներից հետո փլատակների ապամոնտաժման համար։

Threehalves-ը սովորական դաստակներ չունի։ Ռոբոտին կարելի է միացնել բենզասղոց, գայլիկոն, պտուտակահան, չափիչ սարքեր և այլ սարքավորումներ»։