Հայ ընբիշն ադրբեջանցու հետ գոյամարտում պարտվեց անորոշ մրցավարության պայմաններում

Մ-17 աշխարհի եւ Եվրոպայի առաջնությունների ոսկե մեդալակիր Ջանես Նազարյանը վստահ հաղթանակով դուրս եկավ Բաքվում անցկացվող հունահռոմեական ոճի ըմբշամարտի մինչեւ 17 տարեկանների աշխարհի առաջնության կիսաեզրափակիչ եւ երեկոյան կպայքարի եզրափակիչի ուղեգրի համար:

71 կգ քաշայինների քառորդ եզրափակիչում Նազարյանը առաջին մրցափուլում 9:0 հաշվով պարտության մատնեց հունգարացի Էրվին Ցուցորին:

Նազարյանը պայքարը սկսել է 1/16 եզրափակիչից, որտեղ 8:0 հաշվով ժամանակից շուտ պարտության է մատնել նորվեգացի Մարտին Լետվիկը: 1/8 եզրափակիչում հայ ըմբիշը 9:0 հաշվով տպավորիչ հաղթանակ տարավ թուրք Մուհամադ Ռեսիտ Յուրուկի նկատմամբ:

Հայաստանի մյուս ներկայացուցիչ Գեւորգ Հարությունյանը (51 կգ) ադրբեջանցու հետ քառորդ եզրափակիչի գոտեմարտում պարտվեց անորոշ մրցավարության պայմաններում: 

Երեկոյան մրցահերթում բրոնզե մեդալի գոտեմարտեր կանցկացնեն Արարատ Ավետիսյանը (48 կգ) եւ Վազգեն Մնացականյանը (65կգ):