Ողբերգական դեպք Լոռիում․ 6-ամյա աղջնակի մարմին են հայտնաբերել

Երեկ՝ հուլիսի 27-ին, առեղծվածային ու ողբերգական մահվան դեպք է տեղի ունեցել Լոռու մարզում։ Ժամը 19:30-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Բազումի բաժնում հերթական օպերատիվ տեղեկություններն են ստացվել, որ Վանաձոր քաղաքի Բուլղարական 2-րդ ավանի տնակներից մեկում երեխայի դի կա։  Այս մասին տեղեկանում ենք Shamshyan.com-ից։

Հաղորդվում է, որ դեպքի վայր են ժամանել ՀՀ ՆԳՆ քրեական ոստիկանության աշխատակիցները։ Տեղում պարզվել է, որ ստացված օպերատիվ տեղեկությունը հավաստի է, և քրեական ոստիկաններն ու իրավապահները նշված վագոն-տնակի կողքին հայտնաբերել են 6-ամյա աղջնակի մարմին։

Դեպքի փաստով քննչական վարչությունում սպանության հատկանիշներով նախաձեռնվել է քրեական վարույթ։

Գ. Շամշյանի տեղեկություններով՝ երեխային հայտնաբերել է քույրը։ 

AuroraNews-ը կապ է հաստատել ՀՀ քննչական կոմիտեի հետ հավելյալ մանրամասների համար։ Դեպքի առթիվ նախաձեռնվել է քրեական վարույթ: Նշանակվել է դիակի դատաբժշկական փորձաքննություն