ՖԻՖԱ-ի նախագահը խորհուրդներ է տվել 2026 թվականի աշխարհի առաջնության քննադատներին

Ֆուտբոլի միջազգային ֆեդերացիայի (ՖԻՖԱ) նախագահ Ջանի Ինֆանտինոն խորհուրդ է տվել 2026 թվականի Աշխարհի առաջնության քննադատներին։ Այս մասին նա գրել է Ինստագրամի իր էջում։

«Ես շատ ցավում եմ, որ դուք այնքան էիք կլանված ատելությամբ և քննադատությամբ, որ բաց թողեցիք ամեն ինչ։ Բոլոր նրանք, ովքեր իրենց ժամանակն ու ուժերը ծախսել են ատելության վրա, զբաղվեք մեդիտացիայով, աղոթեք, ժպտացեք, ժամանակ անցկացրեք մտերիմների հետ կամ ֆուտբոլային հանդիպում դիտեք», — գրել է Ինֆանտինոն։

ՖԻՖԱ-ի ղեկավարը նաև բարձր է գնահատել աշխարհի առաջնության կազմակերպման մակարդակը։ «Նրանց, ովքեր ատելություն և կեղծ լուրեր են տարածում, ուզում եմ ասել, որ քանի դեռ դուք տանը նստած եք, մենք առաջնագծում ենք, ջանասիրաբար աշխատում ենք և անում ենք աշխարհի լավագույն շոուն։ Մեզ մոտ բռնության դեպքեր չեն եղել։ Հարյուրտոկոսանոց անվտանգություն, ուրախություն և երջանկություն», — հավելել է Ինֆանտինոն։

Ֆուտբոլի 2026 թվականի աշխարհի առաջնությունն անցկացվել է ԱՄՆ-ում, Կանադայում և Մեքսիկայում։ Հաղթող է դարձել Իսպանիայի հավաքականը, որը եզրափակչում 1:0 հաշվով առավելության է հասել Արգենտինայի թիմի նկատմամբ։