Մոսկվայից Երևան նոր ավտոբուսային երթուղի է գործարկվել

Մոսկվայից դեպի Երևան նոր ավտոբուսային երթուղի է բացվել, որի շրջանակներում չվերթները կիրականացվեն շաբաթական մեկ անգամ՝ հինգշաբթի օրերին, «Կրասնոգվարդեյսկի» միջազգային ավտոկայանից։

«Կրասնոգվարդեյսկի» միջազգային ավտոկայանից դեպի Երևան նոր ավտոբուսային երթուղի է գործարկվել, և չվերթները մեկնելու են շաբաթը մեկ անգամ՝ հինգշաբթի օրերին, ինչի մասին հայտնում է «Ինտերֆաքսը»՝ վկայակոչելով Մոսկվայի տրանսպորտի դեպարտամենտի տվյալները։ 

Մոսկվայի քաղաքապետի տրանսպորտի հարցերով տեղակալ Մաքսիմ Լիկսուտովի փոխանցմամբ՝ միջազգային նոր ուղղության գործարկումը Մոսկվայի մետրոպոլիտենի կայարանների զարգացման ծառայության և փոխադրողների համատեղ աշխատանքի արդյունքն է։ Ներկայումս Ռուսաստանի մայրաքաղաքի ավտոկայաններից հասանելի են ավելի քան 170 միջքաղաքային ու միջազգային երթուղիներ, իսկ «Կրասնոգվարդեյսկի» ավտոկայանը հանդիսանում է Մոսկվայի հարավային մասի խոշորագույն տրանսպորտային հանգույցներից մեկը։